Ургийн бичиг 1.14 Apk

Монголчууд эрт дээр цагаас ураг холбох ёсыг машид эрхэмлэж, ургаа сонгох, удмаа таниулах, ургийн баяр хийх, ургийн бичиг хөтлөх гэхчилэн нийгмийн амьдралын нэгэн уламжлалт соёл, ёс заншлыг бий болгосон байна.

Их төлөв язгууртнаас гарвалтай, язгууртны эрхэмлэл болж ирсэн ураг холбох соёл нь нийт монголчуудын соёл болж, улмаар монгол мэдлэгийн нэг салшгүй хэсэг болсон түүхтэй
Мэдээллийн технологийн Старсофт ХХК нь энэхүү түүхэн уламжлалаа сэргээн ургийн бичиг хөтлөх үйл ажиллагааг мэдээллийн технологийн ололт амжилт ашиглан илүү хялбар аргаар, илүү өргөн цар хүрээтэйгээр хөтлөх боломжийг бий болгож байна.

Програмын эхни хувилбарт дараах боломжууд багтсан болно. Үүнд :
- Ураг төрлийн олон хүмүүс бүгдээрээ хамтдаа модоо тал талаас нь байгуулах. Ж: Та ааваасаа доош хүмүүсийг оруулах, таны аавын дүүгээс доошхи хүмүүсийг аавын дүүгийн үр хүүхдүүдээс хөтлөх г.м
- Интернэт шаардлагагүйгээр оффлайн бүртгэл хийгээд, wifi болон 3G сүлжээтэй болсон үед хоорондоо баазаа нэгтгэх
- Маш хурдан бүртгэл хийх боломжтой. Ердөө хүний нэр, хүйс бүртгээд л модоо байгуулж болно. Дараа нь шаардлагатай бол бусад мэдээллийг дэлгэрэнгүй засч оруулж болно.
- Гар утасны камераар зураг авах, айлуудын албумнаас зураг татах зэрэг боломжууд ашиглан, ургийн модоо зургаар баяжуулах боломжтой. Ингэснээр ураг төрлийн хүмүүс нэг нэгнийгээ бүр илүү таньж мэдэх боломж бүрдэнэ.

Бид тун удахгүй дараагийн update-г гаргах бөгөөд дараах боломжуудыг маш яаралтай нэмж оруулахаар төлөвлөж байна.
- Ургийн модоо харах, зураг хэлбэрээр мэйл рүүгээ илгээх
- Ураг төрлийн хүмүүс нэгдсэн фото сан, галлерейтай болох
- Ураг төрлийн хүмүүс хоорондоо мессежээр харилцах, олон хүн рүү зэрэг мессеж илгээх

Монголчууд бүгдээрээ түүхэн уламжлалаа сэргээж ургийн бичиг хөтөлцгөөе....
Маш хялбараар, хурдан хугацаанд, ургийн бичгээ хамтдаа бүтээцгээе....