Internetda 100$ ishlab topish yo'llari 9.0 Apk

Ushbu ilova sizga o'z mutaxasisligingiz bo'yicha internetda ish topish va pul ishlashning REAL usullari haqida ma'lumot beradi.

Ilovaga qiziqish bildirganingizga qaraganda, sizda internet orqali ishlash va qo`shimcha daromad qilish istagi mavjud.
Internetda doimiy aylanib yuradigan kuniga bor yo`g`i bir necha soatgina band bo`lib, minutiga minglab dollar ishlab olishni va’da qiluvchi reklamalarga ko`zingiz tushgan bo`lsa kerak.
Moliyaviy piramidaning har xil ko`rinishlari, partner programmalar va hattoki ba’zilar bitta tugmachani 100 ming marta bosish kabi be’mani ishlarni ham bajarib ko`rgan va hafsalasi pir bo`lgan holatlar ko`p uchrab turadi.
Bu ko`pchilikning internetda pul ishlash haqida noto`g`ri tushunchaga ega bo`lganligi bilan bog`liq. Bunday holatlar yuz bermasligi uchun pul topishning asosiy mazmunini esda tutish kerak.
Hech kimga foydali bo`lmagan ish uchun hech kim sizga pul to`lamaydi.
Pul bu boshqa insonning cho`ntagida turgan narsa. U sizning cho`ntagingizga ko`chib o`tishi uchun siz o`sha insonga biron narsa berishingiz yoki xizmat ko`rsatshingiz kerak. Aks holda u odam sizga pulini bermaydi. Bu oddiy haqiqat hayotda qanday bo`lsa internetda ham shunday ishlaydi.
Internetga avvalo biron sehrli narsa deb emas, avvalo aloqa vositasi sifatida qaralsa hamma narsa o`z joyiga tushadi.
Ushbu ilovani yaratishdan maqsad, o`z kasbiga ega yoki endi o`rganish jarayonida bo`lgan insonlarga qanday qilib o`z mutaxasisliklari bo`yicha internet orqali ish topish va buyurtma olish usullari haqida birlamchi ma’lumotlarni berishdir.
Ilovada, internetda ommalashgan lekin ko`pchilik O`zbekistonliklar uchun yangilik bo`lgan pul topish usullari va ulardan qanday foydalanish haqida yo`l yo`riqlar berishga harakat qilamiz.
Ilovani Internetda 100$ ishlab topish usullari deb nomlanishiga to`xtalsak.
100$ bu shartli tanlab olingan summa. Sizning biron usul bilan ishlab topadigan pulingiz mahoratingizga bog`liq ravishda chegarasiz bo`lishi mumkin. Va aksincha, siz bir nechta usullar bo`yicha ishlab ko`proq natijaga erishishingiz mumkin.
Ko`pincha, biron ishni mukammal bajarishda bir nechta sohalarni kombinatsiyalash kerak bo`ladi. Ya’ni oz bo`lsada boshqa sohalardan ham xabardor bo`lish talab qilinadi. O`ylaymizki 99 ta usul haqida ma’lumotga ega bo`lganingizdan keyin o`zingiz uchun eng ma’qul bo`lgan 100-chi usulni kashf etasiz va bu sizga o`zingiz kutgan foydani keltiradi.
Agar keltirilgan ma’lumotlar foydali bo`lib, sizning internetda ish faoliyatingizni boshlashga turtki bo`la olsa biz o`z maqsadimizga yetgan hisoblanamiz.

Unutmang, imkoniyat har yerda mavjud faqat ularni ko`ra olish va foydalanish kerak.