Tush ta'biri 34.0 Apk

Yer yuzida odamzot paydo bo‘libdiki, unga uyqu hokimdir. Uxlaganda esa tush ko‘rmay iloji yo‘q. Uyg‘onganda esa tushi dan qattiq ta’sirlanadi, oqibati nima bo‘lishi bilan qiziqadi, tush uni yo shodlantiradi yoki bir necha kunlar iztirobga solib yuradi. U tushini eng yaqinlariga aytadi, maslahat so‘raydi, ta’birini bilmoqchi bo‘ladi. Lekin hamma vaqt ham o‘z tushi ta’biri haqida to‘g‘ri javob ololmaydi, negaki uni to‘g‘ri ta’bir qilib bera oladigan odamning o‘zi yo‘q. Tushni bilmasdan ta’bir qilish esa yomon oqibatlarga olib keladi. O‘tmishda 124 ming payg‘ambar o‘tgan bo‘lib, ular bashoratli tushlar ko‘rishar va tushiga qarab ish tutar edilar. Odamlar ularning huzuriga borib, tushlarini aytishar va ulardan to‘g‘ri javob olar edilar. Lekin ulardan hech biri tushni mukammal ta’birlash haqida nom qozonolmagan va bu sohada yetuk mutaxassis darajasiga ko‘tarila olmagan. Alloh ta’olo o‘z payg‘ambari Yusuf alayhissalomgagina ta’bir ilmini mukammal qilib berdi. Bu haqda Qur’oni Majidda shunday deyiladi: «Shunday qilib, Yusufni yerga (Misrga) joylashtirdik va gaplar (tushlar yoki ilohiy kitoblar) ta’vili (mazmuni)ni bildirishimiz uchun (shunday qildik)** (Yusuf surasi, 21-oyat).